امام علی بن موسیٰ الرضا علیہ السلام سے ایک خراسانی شخص نے کہا۔۔۔۔

شیخ صدوق نے معتبر سند کے ساتھ روایت کی ہے کہ امام علی بن موسیٰ الرضا علیہ السلام سے ایک خراسانی شخص نے کہا:

"اے فرزندِ رسول! میں نے رسول اللہ ﷺ کو خواب میں دیکھا گویا وہ مجھ سے فرما رہے ہیں: تمہارا حال اس وقت کیسا ہوگا جب میری ایک پاری (حصہ) تمہاری سرزمین میں دفن ہوگی، اور تم میری امانت کی حفاظت کرو گے، اور میرا ایک ستارہ تمہاری مٹی میں پوشیدہ ہوگا؟"

امام رضا علیہ السلام نے فرمایا: "وہ میں ہوں جو تمہاری سرزمین میں دفن ہوں گا، میں تمہارے نبی ﷺ کا حصہ ہوں، میں وہ امانت اور ستارہ ہوں۔ سن لو! جو شخص میری زیارت کرے اور وہ پہچانتا ہو کہ اللہ تعالیٰ نے میرے حق اور میری اطاعت کو واجب قرار دیا ہے، تو میں اور میرے آباء اس کے قیامت کے دن شفیع ہوں گے، اور جس کے ہم شفیع ہوں وہ نجات پائے گا، چاہے اس پر جن و انس کے گناہوں کے برابر بوجھ ہی کیوں نہ ہو۔"

اور میرے والد نے مجھے اپنے جد سے، اور انہوں نے اپنے والد سے علیہم السلام روایت کی کہ رسول اللہ ﷺ نے فرمایا: "جس نے مجھے خواب میں دیکھا، اس نے حقیقت میں مجھے ہی دیکھا، کیونکہ شیطان میری صورت میں ظاہر نہیں ہوسکتا، نہ ہی میرے کسی وصی کی صورت میں، اور نہ ہی میرے کسی شیعہ کی صورت میں۔ اور بے شک سچا خواب نبوت کے ستر حصوں میں سے ایک حصہ ہے۔"

📚 امالی الصدوق، صفحہ 120-121