امام باقر علیہ السلام کی طرف سے امام صادق علیہ السلام کی امامت پر تصریح

امام باقر علیہ السلام کی طرف سے امام صادق علیہ السلام کی امامت پر تصریح

(علمائے شیعہ و اہل سنت کی کتب میں)

✅ شیعہ عقیدہ یہ ہے کہ ہر امام اپنی شہادت سے قبل اپنے بعد آنے والے امام پر واضح طور پر تصریح کرتے تھے۔ اس بارے میں روایات بہت زیادہ ہیں کہ امام باقر علیہ السلام نے اپنے بیٹے امام صادق علیہ السلام کی امامت پر بالکل کھلے انداز میں تصریح فرمائی۔ یہ مسئلہ اتنا مشہور اور واضح ہے کہ شیعہ و سنی علما نے اس کے بارے میں تواتر (مسلسل و قطعی نقل) کا دعویٰ کیا ہے۔

▪ مرحوم طبرسی (مفسر شیعہ) اپنی کتاب اعلام الوری میں لکھتے ہیں:

📜 شیعوں کا متواتر عقیدہ ہے جو نسل در نسل منتقل ہوتا ہوا امام باقر علیہ السلام تک پہنچا ہے کہ انہوں نے امام صادق علیہ السلام پر نص (تصریح) کی ہے، جیسے امیرالمؤمنین علیہ السلام نے امام حسن و امام حسین علیہما السلام پر تصریح کی تھی۔ اسی طرح ہر امام نے اپنے بعد آنے والے امام پر نص کی ہے یہاں تک کہ یہ سلسلہ امام زمانہ علیہ السلام پر ختم ہوتا ہے۔»

📚 اعلام الوری باعلام الهدی، جلد 1، صفحہ 516

▪ مرحوم اربلی (عالم شیعہ) اپنی کتاب کشف الغمہ میں لکھتے ہیں:

📜 امام صادق علیہ السلام کی امامت کی مدت 34 سال رہی۔ ان کے والد ابو جعفر امام باقر علیہ السلام نے واضح طور پر ان کے حق میں وصیت کی اور ان کی امامت پر کھلے انداز میں تصریح فرمائی۔»

📚 کشف الغمة في معرفة الأئمة، جلد 2، صفحہ 173

▪ اہل سنت کے عالم ابن صبّاغ مالکی اپنی کتاب الفصول المهمة میں لکھتے ہیں:

📜 ابو جعفر (امام باقر علیہ السلام) نے امامت کے بارے میں اپنے بیٹے امام جعفر صادق علیہ السلام کے حق میں واضح طور پر وصیت کی اور ان کی امامت پر بالکل روشن تصریح کی۔»

📚 الفصول المهمة في معرفة الأئمة، جلد 2، صفحہ 909

✅ نتیجہ:

امام باقر علیہ السلام نے اپنے فرزند امام جعفر صادق علیہ السلام کی امامت کے بارے میں وصیت کی اور انہیں واضح طور پر امت کے لئے امام اور پیشوا متعارف کرایا۔

#بدر_علی 

#تعلیمات_اہلبیتؑ 

#اللھم_صلی_علی_محمد_وآل_محمد 

#التماس_دعا