امام سجاد ع ضامن آہو

٢١ ـ يج : روي عن جابر بن يزيد الجعفي ، عن الباقر قال : كان علي بن الحسين جالسا مع جماعة إذا أقبلت ظبية من الصحراء حتى وقفت قد امه فهمهمت وضربت بيدها الارض ، فقال بعضهم : يا ابن رسول الله ما شأن هذه الظيبة قد أتتك مستأنسة؟

قال : تذكر أن ابنا ليزيد طلب عن أبيه خشفا فأمر بعض الصيادين أن يصيد له خشفا فصاد بالامس خشف هذه الظيبة ، ولم تكن قد أرضعته ، فإنها تسأل أن يحمله إليها لترضعه وترده عليه ، فأرسل علي بن الحسين إلى الصياد فأحضره فقال : إن هذه الظبية تزعم أنك أخذت خشفا لها وأنك لم تسقه لبنا منذ أخذته وقد سألتني أن أسألك أن تتصدق به عليها فقال : يابن رسول الله لست أستجرئ على هذا قال : اني أسألك أن تأتي به إليها لترضعه وترده عليك ، ففعل الصياد ، فلما رأته همهمت ودموعها تجري ، فقال علي بن الحسين علیهما السلام للصياد : بحقي عليك إلا وهبته لها ، فوهبه لها ، وانطلقت مع الخشف وقال : أشهد أنك من أهل بيت الرحمة وأن بني امية من أهل بيت اللعنة.

روایت ہے جابر بن یزید جعفی سے، وہ امام باقر علیہ السلام سے روایت کرتے ہیں:

امام زین العابدین علیہ السلام (علی بن الحسین) کچھ لوگوں کے ساتھ بیٹھے ہوئے تھے کہ ایک ہرننی (ظبیہ) صحرا سے آئی اور ان کے سامنے آ کر کھڑی ہو گئی۔ وہ آہستہ آواز نکال رہی تھی اور اپنے پاؤں سے زمین کو مار رہی تھی۔

ان میں سے کسی نے کہا: یا ابن رسول اللہ! اس ہرننی کو کیا ہوا ہے کہ یہ اتنی مانوس ہو کر آپ کے پاس آئی ہے؟

حضرت نے فرمایا: یہ یاد دلا رہی ہے کہ یزید کے بیٹے نے اپنے باپ سے ایک ہرن کے بچے (خشُف) کا مطالبہ کیا تھا، تو اس کے باپ نے کچھ شکاریوں کو حکم دیا کہ ایک بچہ شکار کر کے لائیں۔ اور ان شکاریوں نے کل اس ہرننی کا بچہ شکار کیا، جبکہ اس نے ابھی تک اسے دودھ نہیں پلایا۔ اب یہ چاہتی ہے کہ اسے اس کا بچہ لا کر دیا جائے تاکہ اسے دودھ پلا دے اور پھر واپس کر دے۔

امام زین العابدینؑ نے اس شکاری کو بلوایا۔ جب وہ آیا تو حضرت نے فرمایا: یہ ہرننی کہتی ہے کہ تم نے اس کا بچہ پکڑا ہے اور اسے دودھ نہیں پلایا، اور اس نے مجھ سے کہا ہے کہ میں تم سے درخواست کروں کہ تم اس پر صدقہ کر دو (یعنی بچہ واپس دے دو)۔

شکاری نے کہا: یا ابن رسول اللہ! میں اس کی جرأت نہیں کرتا۔

حضرت نے فرمایا: میں تم سے کہتا ہوں کہ تم اس کے بچے کو لا کر اسے دو تاکہ وہ اسے دودھ پلائے اور پھر واپس کر دے۔

شکاری نے ایسا ہی کیا۔ جب ہرننی نے اپنے بچے کو دیکھا تو آہستہ آواز نکالنے لگی اور اس کی آنکھوں سے آنسو بہنے لگے۔

تب حضرت نے شکاری سے فرمایا: میں تمہیں واسطہ دیتا ہوں (میری خاطر) کہ تم یہ بچہ ہمیشہ کے لیے اسے بخش دو۔

شکاری نے وہ بچہ اسے دے دیا۔ وہ ہرننی اپنے بچے کو لے کر چلی گئی اور جاتے جاتے یہ کہتی جا رہی تھی:

"میں گواہی دیتی ہوں کہ آپ رحمۃ للعالمین کے خاندان سے ہیں، اور بنی اُمیہ لعنت کے گھرانے سے ہیں۔"

📚 بحار الأنوار - ط مؤسسةالوفاء جلد : 46 صفحه : 30